"Azken urtetan nabaria da gizakiak bere inguruneari egiten ari zaion kaltea. Egoera horri aurre egiteko Agenda 21a sortu da, eguneroko bizitza ikusteko eta antolatzeko beste modu bat da: egiten diren ekintzak, ahal den neurrian, ingurugiroa errespetatuz burutzea.

Herri mailan "Tokiko Agenda 21" bezala ezagutzen da eta ikastetxe esparruan "Eskolako Agenda 21". Tolosako udaletxeak bide honi ekin dio eta bertako ikastetxe guztiek ere. Gai hauek lantzeko Orixen batzorde bat antolatu da, horretan hainbat ikasle eta irakasle egongo daudelarik. Herri mailan ikastetxe guztiek "mugikortasuna" lantzea erabaki dugu aurtengo ikasturtean. Orixen DBH osoan aplikatuko da.

Eskolako agenda 21ak hiru puntu ditu oinarritzat:

-Komunitatearen partaidetza.
Udaletxeak eta Zuloaga Txiki ingurugiro eskolatik herri mailan antolatutako ekintzetan parte hartuz burutuko da, beste ikastetxeekin batera.

- Ikastetxeko kudeaketa.
Hau izango da batzordearen lana (ikasleak landuko dutena). Ikastetxe mailan gure ingurua (patioa, jardinak, aparkalekuak,...) aztertuko da mugikortasun ikuspuntutik eta hobetzeko (posible denean) hainbat ekintza burutuko dira.

- Kurrikulumaren aldaketa eta helburuei egokitzea.
Aurten aukeratutako gaia "mugikortasuna" izanik, horren inguruan landu daitezkeen puntuak aztertu eta zein ikasgai eta zein mailan barnera daitezkeen ikusiko da. Zehaztutako ekintza horiek kurrikulumean barneratuta geldituko dira ondorengo urteetan ere landu daitezen.

Arduradun orokorra:Juan Mari Aldanondo

Norentzat:DBH-ko ikasleentzat