Trigonometriak hirukien alde eta angeluen arteko erlazioak aztertzen dituenez, angeluaren kontzeptua eta bere neurriak berrikusiko ditugu.

ANGELUA: Puntu berean hasita bi zuzenek mugatutako planoaren eremua da. Sorburu berari angeluaren erpina deitzen zaio. Angelu baten kokapena edozein izan daiteke, baina erosoago lan egiteko, erpina koordenatu jatorrian eta hasierako aldea abzisako ardatz positiboan jarriko ditugu. Angelu positiboak erlojuaren orratzen aurkako norabidean neurtzen dira eta negatiboak, aldiz, norabide berean.